Isolation facilities nga gintukod sa Bacolod nagadamo pa

Amat-amat na nga nagadamo ang mga isolation facilities nga ginatukod sa ciudad sang Bacolod.Sa interview sang DYHB kay Bacolod Lone District Congressman Greg Gasataya, ginpahayag sini nga ang isolation facility nga ginpondohan sang Department of Public Works and Highways (DPWH) nga ginapatukod sa duta sang ciudad sa Brgy. Alijis sa diin may 32 ka mga rooms, ang ginalauman nga matapos sa katapusan sang Setyembre ukon una nga semana sang Oktubre.

Ginkumpirmar man ni Gasataya nga may 32-room isolation facility nga ginatukod sa dormitory sang Corazon Locsin Montelibano Memorial Regional Hospital. Suno sa kongresista, ini ang kabahin sang 102 isolation facilities nga pondohan sang national government para sa ciudad.

Samtang ang evacuation center sa Abada Escay sa Brgy. Vista Alegre ang natalana man nga i-convert sang DPWH sa diin 40 ka rooms ang himuon nga isolation facility para sa mga COVID-19 positive.


[image: image.png]

Facebook Comments