Istriktong pagsunod sa guidelines ilawom sa Alert Level 2, gipanawagan sa Bukidnon Medical Society

16
Nagtoo ang Bukidnon Medical Society nga adunay dako nga posibilidad nga makasulod sa probinsya sa Bukidnon ang Omicron variant.

Sa interview sa RMN DXMB Malaybalay kang Dr. Efren Villahermosa Jr., ang president sa 350 ka miyembro sa Bukidnon Medical Society, component society sa Philippine Medical Association, gibutyag niini nga tungod sa luag nga restriksyon nga gipatuman karon, dili impossible nga adunay makakuha niini nga Omicron variant ug mamahimo pang makasulod dinhi sa lalawigan.

Matud ni Dr. Villahermosa nga pabor siya ning kasamtangang alert level 2 basta lang sakto o tukma ang implementasyon sa guidelines niini.

Pasabot niya nga bisan ug ipailawom pa kita sa alert level 3 apan dili maayo ang implementasyon, useless lang gihapon kini.

Gidugang niya nga lisod kaayo kung higpitan pa ang restriksyon tungod kay kinahanglan usab nga mabalanse ang ekonomiya.

Nakita usab ni Dr. Villahermosa nga dili usab kaayo praktikal ang pag-lockdown tungod kay daghan naman ang nabakunahan dili susama kaniadto nga gamay pa ang nabakunahan kontra COVID-19.

Facebook Comments