Isyu sang baligyaanay sang units sa Yolanda Housing sa Victorias ginahitsu na sang syudad

Ginahitso na sang ciudad sang Victorias ang mga isyu sa Yolanda Housing Project sa Brgy. 13 agud mapanghatag na sa matuod nga recipient ang mga units.

Ini ang ginpahayag sa DYHB ni Mayor Francis Frederick “Wantan” Palanca kasunod sang entrapment operation ngaligad nga Hunyo 16, 2020 sa diin tatlo ka babaye ang nadakpan nga nagabaligya sang mga units sa housing project.

Nagalaom si Mayor Palanca nga sa bulan sang Disyembre mapanghatag na ang permanente nga mga awards sa mga matuod nga tag-iya sang units.


Madumduman nga una nagpatigayon sang entrapment operation ang Victorias City Police Station sa diin nadakpan sanday Cristine Perje, 27-anyos, Nenita Segava, 52-anyos kag Elvie Esparagoza, 35, kag lunsay residente sang Yaweh Brgy. 13, Victorias City. Nakuha sa possession sang mga suspek ang P3,000 nga buy bust money kag sila ang natalana nga pasakaan sang kaso nga syndicated estafa.

Sa nauna naman nga interview sang DYHB sa mga suspek, may ginatudlo man sila nga mga empleyado sang city hall sang Victorias nga sa likod sang baligyaanay sang housing units.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments