Jaldon: Factors sa road crashes giila

54

Davao City – Sa kadaghang sakyanang gadagan na sa lungsod sa Davao, dili usab malimod nga taas usab ang tsansa nga adunay mga mahitabong disgrasya diha sa kadalanan.

Kini sumala pa ni Davao City Central 911 chief Emmanuel Jaldon.

Matud sa opisyal nga daghang vehicular incidents nga ilang girespondehan ug sagad nga malambigit niining mga disgrasya pulos mga motorsiklo.

Gilantaw ni Jaldon nga kakulangon sa kahibalo, pamatasan ug wala niagi og saktong pagbansay o motorcycle trainings ang mga drivers nga hinungdan sa mga aksidente.

Daghan usab ang gikatahong mga violators sa speed limit ug overloading subay sa gi-imposar nga traffic campaigns.

Gawas sa problema sa mga nagmaneho, pipila sa mga rason sa road crashes mao ang mga walay saktong maintenance o pag-check up sa mga sakyanan una pa man kini i-byahe.

Dakung factor usab ang kondisyon sa kadalanan sama sa on-going nga mga construction sa lugar nga walay proper early warning signs ug walay proper lightings nga mag-iwag unta sa mga sakyanang moagi aron mahalikay sa peligro.

Tambag ni Jaldon nga aron makalikay sa mga disgrasya ug mamahimong luwas ang riding public, angay nga pakusgan sa Land Transportation Office (LTO), Highway Patrol Group (HPG), Land Transportation Franchising and Regulatory Board (LTFRB) ug PNP ang ilang ilusad nga mga awareness ug education campaigns kansang tumong mao ang pagtudlo ug pagpakaylap sa importansya sa road safety.

Dugang sa opisyal nga angayang istriktuhon ang pagkuha og mga lisensya sa mga drivers.

RadyoMaN Aimee Guinita

Facebook Comments