Jamaican national ginrescue sang Pontevedra PNP matapos nakit-an nga nagaliho liho

PONTEVEDRA – Ara subong sa paghinakop sang Pontevedra PNP ang isa ka Jamaican national matapos ini ang nakit-an nga nagapanglakaton kag nagapangkayo kayo sang pagkaon sa Bianes Beach Resort, Barangay Miranda.

Nakilala ang lalaki kay Desmond Tachy, 65 anyos kag residente sang Smithville, Jamaica.

Sa report sang Pontevedra PNP, las 10 sang aga nakit-an si Tachy sa amu nga resort kag nagapangkayo kayo sang makaon.


Gilayon ini nga ginrespondehan sang pulis nga assign sa Compac Station paagi kay PO2 Ryan Blanca kag gindala sa Police Station.

Sa pagpamangkot sa foreigner iya ginsiling nga tatlo ka adlaw ang nakaligad, ginhold-up siya sa Bacolod kag nakuha ang iya nga bag nga may unod nga passport, IDs, ATM, bayo kag P7,000 US Dollars ukon masobra sa P350,000.

Gincoordinate na ini sang kapulisan sa nagakaigo nga ahensya para buligan si Tachy. /Ethan Perasol photo of Bianes Resort

Facebook Comments