Job Fair inton Oktubre 17, 2018, Maangay

Inanunsyo iti Department of Labor and Employment wenno DOLE Ilocos field office iti maangay nga Job Fair idiay Laoag City Auditorium, Laoag City Hall inton Oktubre 17, 2018.

Daytoy a programa ket agpaay kadagiti residente iti probinsiya tapnu makaited iti trabaho kadagiti fresh graduates, High school graduates, mairaman pay dagiti naaddaan iti trainings ken certifications manipod iti TESDA ken nadumaduma pay a mangayat mangisubmitar iti aplikasyon na.

Gapu iti tulong iti DOLE, PESO ken iti POEA, mabalin nga agtrabaho ti asinno man nga maala dituy probinsya pati payen iti abroad.


Ngarud, masapol nga agitugot dagiti mayat nga aplikante iti original birth certificate, resume,employement wenno training certificate, Barangay ken Police clearance ken naduma duma pay nga nasisita a dokumento.

Maipalagip nga dagiti aplikante nga mangikalikagom nga agtrabaho idiay abroad ket masapol nga itugot na pay iti passport na.

Daytoy nga aramid ket maisarnak gapu met laeng iti tulong iti City Government of Laoag ken dagiti ahensya iti gobyerno nga nanglukat iti gundaway para kadagitu kailian nga agkasapulan iti trabaho.

Facebook Comments