JOINT SECURITY FORCES PREPARAO YA PARA NA PROCESSION

Ya conduci anoche el final debriefing el Joint Security Forces por el finalisasyon del modo de seguridad para el Grand Procession luego tarde.
El procession hay principia na MICC Cathedral na La Purisima Street para na Mayor Jaldon, Guardia Nacional, JS Alano, Valderosa Street, para y derecho ya para na Fortaleza del Pilar, donde miles del mga deboto el expectamente participa na actividad.
Ya ordena el alcalde Beng Climaco-Salazar con el otoridad para asegura el preparaccion del seguridad para evita algun soceso y mga amenaso.
El hefe del policia local Senior Supt. Neri Vincent Ignacio y Task Force Zamboanga Chief Col. Leonel Nicolas ya asegura cay siento por siento el deployment del diila maga personajes del procession y na mismo Fortaleza del Pilar para guardya buenamente con el publico desdel maldad. *– Bhong Simbajon/RMN News*

Facebook Comments