Ka Breaker misurender dala ang M203

Unom ka mga sakop sa rebedling New Peoples’ Army (NPA) ang mitahan sa kasundaluhan sa managlahi nga lugar dinhi sa rehiyon sa Caraga.
Usa niini mao ang usa ka Ka Breaker misurender sa 29th IB Philippine Army bitbit ang M203 Armalite riffle.
Gibutyag ni LTC Glenn Joy Aynera, commander sa 29th IB Phil. Army nga kagutom ug ang pakyas nga mga saad sa walhung grupo maoy nagtukmod ni Ka Breaker sa pagsurender.
Gipaniguru sa opisyal nga makadawat ug ayudang pinansyal si Ka Breaker pinasikad sa Comprehensive Local Integration Program (CLIP), ug manginabuhi nang malinawon.
Didto sa Agusan del Sur, bolontaryong misurender ang 5 ka wala panganli nga mga NPA nga sakop sa Platoon 1, Guerilla Front 14, North Eastern Mindanao Regional Committee (NEMRC) ngadto sa 75th IB Phil. Army, Intel operatives sa Charlie company ug sa unit sa community support team.
Uban sa ilang pagsurender ang mga high powered firearms sama sa 1 ka US Carbine riffle nga adunay 2 ka magazines nga adunay sulod nga 21 ka mga buhing bala, 2 ka improvised shotgun, M203 grenade launcher, 3 ka magazine nga adunay sulod 29 ka mga buhin bala sa shotgun ug 3 ka bala sa M203.

Facebook Comments