KABANAY SA SUSPEK NGA NAPUSILAN, DILI MUTUONG NANGILOG KINI UG ARMAS SULOD SA PRESENTO

26

General Santos City— Dili motuo ang mga kabanay sa suspek sa lugos nga una ng napatay sa kapulisan, sa alegasyong kini nangilog ug armas, samtang gipailawom sa interogasyon sulod sa presento sa kapulisan sa Barangay Bula.

Kini ang gihingusgan ni Alyas Lorna (Dili tinuod nga pangalan) ugangan sa suspetsadong si Merston Mocodompis, 40 anyos nga tag Zone 8 Bula, nga unang gi-alegaran nga nanglugos ug usa ka 6 anyos nga bata.
Dugang sa ugangan, wala usab say kasayuran sa isyung pagpanglugos sa suspek ngadto sa bata nga silingan niini. Dugang niini nga igo nalang siya gipahibalo nga gidakop na ang iyang umagad ug pipila ka oras napusilan sa mga Police.


Gani gipasa-pasa matud pa sila kapulisan hangtud nga sila gisulti-an nga anaa na sa Dr. Jorge P. Royeca ang iyang umagad human mangilog ug armas. Sumala niya nga dihang gidakop ang suspek, bag-ohay lang matud pa kini naka-abot gikan sa iyahang trabaho ug igo lang nipahuway.

Sumala niya nga makaluluoy ang gidangatan sa iyahang umagad subay sa hulagway nga gipakita kaniya dihang kini namatay kung asa daghan matud pang bun-og sa nawong nga bahin. Wala man usab kini kasayuran sa mga kaso sa suspek sa pagpanglugos ug kung nahilambigit ba kini sa illegal nga droga. Apan giklaro niya nga usa ka maayong tawo ang iyahang umagad ug siya nagtuo nga dili niini mahimo ang mga alegasyon ngadto kaniya.(LVR

Facebook Comments