Kabataan kag tigulang nga may ginabatyag nga balatian, mas maayo nga sa balay na lang maglantaw sang Dinagyang suno sa ICPO

ILOILO City – Ginahingyo sang Iloilo City Police Office ( ICPO) ang mga kabataan kag mga tigulang nga may mga ginabatyag nga balatian nga mas maayo kon sa balay na lang ang mga ini maglantaw sang dinagyang festival.

Suno kay PSINSP. Sheila Mae Sangrines, spokesperson sang ICPO , indi malikawan ang pagdinas-ukanay ilabi na sa mga nagkalainlain nga performance area sa syudad.

Nagpahanumdom man ang ICPO sa mga ginikanan nga luyag updon ang ila mga kabataan sa pagdagyang nga pasuksokan gid ang mga ini sang name tag kag may impormasyon sang ginikanan.


Ginpahayag ni SAngrines nga magbalon gid sang tubig kag payong ukon iban pa nga proteksyon sa init.

Magsuksok sang komportable nga bayo kag likawan ang tuman ka lip-ot nga panapton kag ang pagsuksok sang mga alahas nga maka-engganyo sa mga kawatan ukon snatcher .

nagpanugyan ang ICPO sa mga tumalan-aw nga kon may mga concern ukon problema ang mga ini sa tion nga ipatuman ang signal jamming, magpadulong lang sa mga police assistance desk nga ila ipahamtang agud magiyahan sa ila kinahanglanon.

Photo from web

Facebook Comments