KADIWA ni Ani at Kita sang DA 12 adlaw-adlaw na nga ginapatuman, RD Mangelen ginahangkat ang pumuluyo nga magbakal sang local products.

18

Ginaawhag sang pamunuan sang Department of Agriculture ukon DA 12 ang mga pumuluyo sa rehiyon nga iprayoridad ang pagbakal sang lokal nga produkto agud mabuligan ang mga mangunguma sa rehiyon.
May-angot sini, kabahin sang selebrasyon sang rice awareness month subong nga Nobyembre, ginpahayag ni DA 12 Regional Director Arlan Mangelen nga adlaw-adlaw na ang ginapatigayon subong nga bulan sang KADIWA ni Ani at Kita sang ahensya sa ila nga regional Office bilang suporta sa mga mangunguma kag manugpangisda sa rehiyon.
Sa KADIWA ni Ani at Kita sang DA 12 ginadala kag ginabaligya sang mga mangunguma ang ila nga mga produkto sa gwa sang regional office.
Samtang pagka-Disyembre suno kay RD Mangelen balik naman kada Biyernes ang pagbaligya sang mga mangunguma sang ila nga produkto sa DA 12 regional office sa Brgy. Carpenter Hill, Koronadal City.

Facebook Comments