Kagay-anong boksidor, mi kampeon sa torneyo sa Canada

PC: CIO

Mikampeon sa bag-ohay lang natapos nga Canada Invitational Boxing Games ang Kagay-anong boksidor nga si Marvin Tabamo.

Si Tabamo, produkto sa amateur boxing development program ni Mayor Oscar Moreno ug tungod niini gikalipay sa mayor ang nakab-ot ni Tabamo.

Matud ni Mayor Moreno nga maghatag kini’g inspirasyon sa mga kabataan nga gustong mosunod sa lakang sa batan-ong boksidor.


Mikortesiya sa mayor ang nasangpit nga boksidor uban si Team CdeO Boxing head coach Elmer Pamisa diin masigarbohong gi-presentar ang bakus sa kampeonato.

Si Tabamo usa na karon ka miyembro sa RP national boxing team nga garbo usab sa Cagayan de Oro.

Facebook Comments