Nakuha sa kagay-anong boksidor ang silver medal sa bag-ohay lang natapos nga ASBC Asian Junior Boxing Championships sa Fujairah, United Arab Emirates.
Matud ni Team CDO Boxing head coach Elmer Pamisa nga gibuhat ni Eljay Pamisa ang tanan niyang mahimo apan pakyas nga maangkon ang gold medal human napildi sa dikit nga puntos, 3-2, kontra Suresh Vishvanath sa India atol sa finals sa pinweight division sa 46 kilograms.
Nakalusot sa championship rounds ang 15-anyos nga si Pamisa human gipildi sa semi-finals ang taga Thailand nga si Aonyaem Thanakom.
Nasayran nga lakip sa 3-man boxing team si Jericho Acaylar sa 50 kilograms category ug Dave Asi Laurejas sa 54 kilograms category.
Facebook Comments
