Kahalitan sa pagkasunog sang beauty parlor sa banwa sang Dumarao, naglab-ot sa 50, 000 pesos!

17

Dumarao, Capiz – Naglab-ot sa kabug-osan nga 50, 000 pesos ang kahalitan sang pagkasunog sang beauty parlor nga nahamtang sa merkado publiko sang banwa sang Dumarao.
Ginpahayag ni FO3 Ryan Advincula sang Dumarao Fire Station nga gina-establisar pa sa subong kun sa diin ukon ano ang nangin kabangdanan sang pagkasunog sang ginarentahan nga beauty parlor nga nahamtang sa 2nd floor sang Dumarao public market.
Suno sa caretaker nga si Hilbert Pedrigosa, naglakat ini agud nga magcharge sang cellphone sa charging station bangud wala sang kuryente sa ila puwesto apang na kibut na lamang ini sang gintundaan nga nasunog ang parlor nga ila ginarentahan.
Ginapatihan sini nga hungod nga ginsunog ang ila nga puwesto.
Samtang pagalantawon man nila ang kuha sang CCTV nga malapit sa lugar.
Nahibaluan nga ginabanta pasado ala una sang hapon sang nagluntad ang sunog samtang alas 2 na nadeklarar sang BFP nga fire-out.

Facebook Comments