Nasayran nga atol sa regular session sa sangguniang panglungsod mismong si City Councillor Melchor Maramara ang mihimo sa pagduso sa usa ka mosyon nga nagpadayag sa kamando-an sa pagpatawag sa pamuno-an sa Bukidnon Second Electric Cooperative (BUSECO) sa konsiho sa syudad alayon sa nasinati-an nga mga kalit nga pagkawala sa sugang-dagitab sa nakalabay nga mga semana ug sagad niini nga mga insidente nga un-scheduled o wala maka hatag sa pahimango ngadto sa mga konsumanti.
Atol sa maong sugyot lakip usab nga gitawag ang atensyon sa Malaybalay City Water District – Prime Water nga gilaumang maka atubang sa sunod nga SP regular session gumikan sa samang kasinati-an nga mga kalit nga pagka wala sa agas sa tubig ug walay insaktong abiso ngadto sa mga katawhan sa syudad ug dayag nga makaapekto sa panginabuhi-an ug mga negosyo nga nag-operar dinhi sa dakbayan.
Sa karon gilaumang sa sunod nga panagtigum sa mga local legislative body sa syudad, matubag sa nahisgotang mga ahensya ang maong problema para matuki ang mga posibleng solusyon sa mas daling panahon.
