Tboli, South Cotabato – Naligo na sa kaugalingong dugo ang lalaki human gidunggab sa iyahang kainom sa Sitio Lemluk-el, Brgy. Desawo, Tboli, South Cotabato.
Sumala sa imbestigasyon sa Tboli Municipal Police Station, giila ang biktima sa pangalang Poring Agnon, hamtong ang edad samtang ang suspek giilang si Jim Timway nga kainom sa biktima.
Dugang impormasyon sa Tboli PNP, dungan nga nagtagay ang suspek didto sa panimalay sa biktima dihang nidilaab ang panaglalis sa duha nga misangko sa paghulbot sa suspek sa sukbit niining kutsilyo.
Samdan ang biktima igo sa iyahang dughan nga miresulta sa iyahang kamatayon samtang misuway og uwang ang asawa sa biktima apan naapil kini sa suspek nga samdan sad sa iyang dughan og walang bahin sa kamot.
Hinuon gidala sa Moorehouse Mission Hospital at Brgy. Edwards, Tboli ang asawa sa biktima nga nailhang si Lorna og nagpaalim sa iyahang naangkon nga samad.
Gi-transfer ang samaron ngadto sa South Cotabato Provincial Hospital alang sa dugang pag-atiman.
Human sa maong insidente misibat ang suspek paingon sa bukirong bahin sa Brgy. Desawo, Tboli, South Cotabato.
Mihimo dayon ang kapolisan og manhunt operation alang sa posibleng pag-aresto sa suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: gidunggab.jpg]
