Kakulangan ng suplay ng bigas sa bansa, pinaiimbestigahan

478

Manila, Philippines – Pinaiimbestigahan ngayong ni Camarines Sur Representative Gabriel Bordado sa Kamara ang kakulangan ng suplay ng bigas sa bansa.

Sa kanyang privilege speech sa kamara, sinabi ni Bordado na nakakaalarma ang datos na inilabas ng National Food Authority kaugnay sa stock na bigas sa mga warehouse nito.


Aniya, kailangang alamin ng House Committee on Agriculture and Food ang lagay ng buffer stock ng bigas gayundin kung sapat ang support system mula sa mga magsasaka.

Inihalimbawa nito ang kanilang lalawigan sa Camarines Sur na kamakailan, ang bigas sa NFA warehouse ay nasa pang tatlong araw na lamang at tiyak aniya na kapareho din ang sitwasyon sa ibang lugar ng bansa.
DZXL558

Facebook Comments