Kakulangan sang suporta sang gobyerno sa edukasyon kag iban pa rason sa pagsulod sang nagsurender nga NPA sa grupo, pagsurender tama lang, suno kay Governor Tamayo.

80

Ginpahayag ni alyas Janmark squad leader sang guerrilla front 73 sang NPA nga ang kakulangan sang suporta sang gobyerno kapareho sang edukasyon, sa ikaayong lawas kag iban pa ang nangin rason sa pagsulod nila sa nasambit nga rebelde nga grupo.
Samtang ang rason naman sa pagsurender niya ang tungod sa maayo na nga sistema sang panggobyerno kapareho sang libre na nga edukasyon kag hospitalization.
Samtang sa mensahe ni Governor Reynaldo Tamayo Jr., sa atubangan sang 19 ka mga miyembro sang NPA nga nagbalik sa sabak sang gobyerno tama lang ang ginhimo nga pagsurender sang mga init tungod wala naman sang dapat pa nga awayan matapos nga ginahimo niya naman nga mapaayo pa ang sistema sang panggobyerno sang South Cotabato.
Ginhatagan niya punto nga ang panggobyerno niya ang bukas sa anuman nga luyag nga ipalab-ot kag reklamo.
Ginhangkat niya man ang mga ini nga hangkaton ang iban pa nga mga kaupdanan nga magbalik na sa sabak sang gobyerno.
Ginsiguro niya sa mga ini nga ihatag ang para sa ila para sa matawhay nga pagpangabuhi.


Facebook Comments