Gipahinumduman ni Lawyer Raul Nadela, chief of staff ni Davao City Mayor Inday Sara Duterte-Carpio ang mga personahe sa City Environment and Natural Resources (CENRO) nga dili kalimtan nga ang task niini mao ang ipabiling limpyo ang siyudad.
Gani dili lang ang mga personahe sa CENRO ang iyang gipahinumduman apan lakip na usab ang publiko sa mga angay buhaton aron masiguro nga limpyu ug layo sa mga sakit ang komunidad.
Subay kini sa usa sa mga nakita karon sa lokal nga gobyerno nga nitaas ang volume sa mga basura sa siyudad tungod usab sa nagkataas nga ihap sa populasyon dinhi sa dakbayan hinungdang gipailawum sa one day assembly ug re-orientation seminar kaniadtong miaging semana ang CENRO personnel mahitungod sa garbage collection ug mangement sa siyudad.
Ang maong re-orientation gimando ni Mayor Inday ug gipahigayon sa Office of the Human Resource and Management Office.
RadyoMan Renz Barbarona
