Kalisod hinungdan sa pagsupak sa quarantine

31

Davao City – Wala gi seryoso sa publiko ang panawagan sa kagamhanan nga mag quarantine sa mga panimalay isip panagana nga dili matakdan sa coronavirus rason nisamot kadaghan ang gitakboyan sa virus nga makamatay.

Sumala ni Brgy Kapitan Rene Estorpe sa Brgy. Sentro Agdao nga nagrespeto man ug nitahod ang katawhan sa liderato ni PRRD ug Davao City Mayor Inday Sara Duterte apan kalisud nga maoy tinud anay nga kahimtang sa kadaghanan diha sa kabarangayan maoy hinungdan mapugos sa pag gawas ang mga ginikanan aron mangita ug ipakaon sa ilang pamilya matag adlaw.


“Lisod ang pag observe sa stay at home ug social distancing specially ug ang usa ka lugar pobre unya gihimo nila ang karsada nga tugkaran” matod ni Estorpe.

Gidugang ni Estorpe nga kun nidawat lang ug sayo sa mga katawhan nga epektado sa quarantine ang mga hinabang sa kagamhanan sama sa relief goods ug financial assistance dakong posiblidad nga magmalampuson ang gipatumang lockdown.

RadyoMaN Erin Lumosbog

Facebook Comments