Kalit nga pagrelieved sa labaw sa PDEA 12, tungod sa palpak nga operasyon

24

General Santos City–Aminado karon si General Santos City Councilor Elizabeth Bairoy Bagonoc nga tungod sa palpak og kwestiyonabling drug operation sa mga personahe sa PDEA Region 12 ang usa sa rason nganung napadali ang pag relieved ni PDEA Regional Director 12 Gil Castro sa pwesto.

Kahibaluan nga sunod sunod ang mga operasyon sa PDEA 12 sa General Santos, Sarangani Province, South Cotabato, Koronadal City kung asa pipila ka mga gibansagang mga Narco Politicians matud pa ang gipang sikop sa mga drug operations sa PDEA 12.

Apan nagtuo si Kagawad Bagonoc nga ang nahitabong raid sa panimalay ni Tambler Barangay Chairperson Abdulwahib Bualan ang usa sa hinungdan nganung gi relieved kini sa pwesto.

Kahibaluan nga mialma karon ang mga kabanay ni Barangay Kapitan Bualan tungod sa matud pa wala mahisubay nga proseso sa pagronda sa PDEA 12 personnel. Una ginareklamo sa pamilyang Bualan ang pagkawala matud pa sa kwarta, mga alahas sa pamilya nga miabot sa 27 Million pesos nga kahimuan matud pa sa pipila ka mga personahe sa PDEA 12 nga mikuyog sa drug operation, ikaduha ang pasangil sa pamilyang Bualan mao ang pagtanum sa iligal nga droga sulod sa panimalay niini.

kahibaluan nga mialma usab si Gensan City Mayor Ronnel Rivera tungod sa pagguba sa CCTV Camera sa pipila ka mga operatiba sa PDEA 12 sa gawas og sulod sa panimalay ni Kapitan Bualan, rason nga nagduda ang tanan nga adunay irigularidad sa maong operasyon og itago sa publiko ang maong operasyon.

Aminado si Mayor Rivera nga dakung tabang unta ang kuha sa CCTV Camera kung wala kini giguba sa mga raiding team. Sa pagkakaron si PDEA 12 Gil Castro ang gireleived kauban ang 9 ka mga personahe niini ngadto sa kauluhang Manila og mihulip isip bag-ong PDEA 12 Regional Director si Valiente Carinio nga gikan sa PDEA ARMM.

Facebook Comments