Kalumbay Group, dakong supak sa pagdeklara sa Martial law sa Mindanao

Dako ang pagsupak sa Kalumbay sa deklarasyon ni Presidente Rodrigo Duterte, sa pagdeklara sa Martial Law sa Mindanao.

Matud ni Datu Jomorito Guaynon ang Chairman sa Kalumbay group, nga nakaapekto sa katawhang lumad ang martial law tungod sa kanunay nga pagsulod sa mga dagkong kampanya diha sa ilang ancestral domain.

Gawas niini, sila usab ang gapasanginlan nga supporters sa New Peoples Army kon N-P-A sa Mindanao, busa sila ang migawas nga biktima niini.


Nasayran nga walo ka lumad leader ang gipamatay sa region ten tungod sa deklarasyon sa martial law, ug adunay gipang aresto sa bukidnon, nga walay mga warrant of arrest.

Tungod sa ngil-ad nga resulta ngadto sa mga lumad sa pagpatuman sa martial law, hinungdan nga supak ang Kalumbay group sa pagpatuman niini sa Mindanao.

Nasayran nga nakadaut kini sa mga lumad tungod kay sila ang gituohan nga mga kritiko sa gobyernong Duterte.

Nakita usab sa Kalumbay group nga walay kalainan ang martial law karon ug sa martial law kaniadto, sukwahi sa migawas nga balita nga lahi ra ang pagpatuman sa martial law ubos sa administrasyong Duterte.

By: Mishelle Enloran

Facebook Comments