Kamatayon sa 16 anyos nga estudyante-walay Foul play

21

Polomolok, South Cotabato–Walay nakitang foul play ang pamilya sa kamatayon sa 16 anyos nga si alyas nene High school student, usa ka majorette sa pampublikong tunghaan sa Polomolok, South Cotabato, Kansa una nang nakit-ang nagbitay nga wala nay kinabuhi sulod mismo sa ilang panimalay niadtong milabay nga semana bandang alas 7:00 sa buntag.

Pagbutyag ni nanay Che-Che, inahan sa biktima nga wala pa silay kasayuran kung unsa gayud ang hinungdan nganong gikutlo sa iyang anak ang kinabuhi niini gumikan kay wala silay nakit-ang timailhan o suicide note nga gibilin sa ilanganak.


Dugang asoy sa inahan nga igo lamang siya gipahawa sa ilang panimalay aron mamaligya ug kakanin ayha gihimo sa dalaga ang pagkutlo sa iyang kinabuhi gani sumala pa sa nasampit nga inahan nga nag-adto pa sa internetan ang iyang anak uban sa iyang manghod ug sa dihang miuli kini iya matud pang gibiyaan iyang manghod ug didto na gihimo ang dili maayong panghitabo ngadto sa iyang kinabuhi.

Nagtuo usab ang inahan nga posibleng gugma ang hinungdan gumikan duna matud pay hinigugma ang iyang anak ug na-inlove kini apan wala nagdugay ang ilang relasyon.

Giangkon usab ni nanay che-che nga duna usab siyang pagkukulang sa iyang anak gumikan kay dili na kaayo niini mahatagan ug oras aron maestorya ang iyang anak tungod saka busy niini sa pagpamaligya ug pagkaon alang sa ilang panginabuhian. (Reynald Timario)

Facebook Comments

From Advertisers