General Santos City–Walay nakit-ang foul play ang kapulisan ingon man ang pamilya sa kamatayon sa usa ka vendor nga si Eliza Marcelino, 51 anyos, nga taga prk Pantay-Pantay,Brgy.Baluan ning dakbayan kansa naki-tan na lamang nga wala nay kinabuhi nga naghigda sulod sa iyang kwarto kagahapong adlawa, adlawng Lunes.
Kahibaloan nga una nang nakit-an ang nasampit sa iyang bana nga si Francisco Marcelino nga naghigda kini sa iyang kwarto nga nag-inusara pasado alas 3:00 sa buntag samtang iyang gihatod ang iyang anak sa terminal aron nga motrabaho.
Apan sa paghibalik niini sa ilang panimalay pasado alas 5:00 sa buntag sa susamang adlaw anaa pa gihapon ang iyang asawa sulod sa kwarto hinungdan nga iya kining gisulod uban ang iyang apo apan sa pagkakita niini sa iyang asawa nakurat na lamang ang maong bana gumikan kay wala nay kinabuhi ang iyang asawa ug nagbula-bula pa ang baba niini.
Nasayran usab nga dunay problema sa goiter ang nasampit nga vendor kini basi usab sa pamahayag sa duha ka igsoon niini nga babaye ingon man ang kauban niining vendor ug maoy ilahang gituohang hinungdan sa kamatayon sa nasampit.
Wala man usab plano ang pamilya nga ipailawom sa autopsy ang patayng lawas sa nasampit nga vendor gumikan ky nagtuo sila nga usa lamang ka natural death ang nahitabo sa iyang asawa nga kasamtangan anaa na karon gihaya sa lokal nga punererya sa Gensan. (Reynald Timario)
