Roxas City, Capiz – Dakop sa ginkasa nga drug buy bust operation sang mga katapo sang Roxas City PNP ang tricycle driver sa Sitio Fatima, Barangay Milibili, Roxas City.
Ginkilala ang suspek sa kay Sammy Ambuan, residente man sang nasambit man nga barangay. Nahibaluan nga madugay na nga ginapaidalom sa monitoring sang mga kapulisan si Ambuan antes ginkasa ang operasyon.
Ginpahayag ni Punong Barangay Midelo Ocampo, nga isa ka drug surrenderee ang nasambit nga suspek, apang liwat nga nagbalik sa pagbaligya sang illegal nga droga.
Narekober sa mga kamot ni Ambuan ang tatlo ka sachet sang suspected shabu, cellphone, kag 500 pesos nga buybust money. Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nasambit suspek.
