Pontevedra, Capiz – Dakop ang Isa ka persona pinaagi Sa Isa ka buy bust operation alas 6:50 sang gab-i Sa Brgy Sublangon banwa sang Pontevedra. Ginkilala ang subject person kay Gilmar Cezar Caguitguit kun sa diin natigayon nga marekober Sa iya paghinakop ang apat ka plastic sachets sang suspected shabu.
Ini ang ginabanta nagabug-at sang more or less 17 grams kag may estimated street value nga P221,000 pesos. Nakuha man Sa iya ang duha ka tig-500 pesos nga marked money kag isa ka unit sang samsung cellular phone.
Magapangatubang sang kaso nga paglapas Sa Republic Act 9165 ukon Comprehensive Dangerous Drugs Act of 2002 ang nasambitan nga persona. Ang amo nga operasyon ang natigayon paagi sa pagpanguna sang PDEA-Capiz, Provincial Drugs Enforcement Unit (PDEU) kag Pontevedra MPS.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
