Sigma, Capiz- Arestado sang mga kapulisan ang isa ka persona pinaaagi sa ginkasa nga buy bust operation alas 3:32 sang hapon sa Barangay Dayhagon, Sigma, Capiz. Ang subject person ang ginkilala kay Filmar Arroyo y Dumandan, 34- anyos, ALS graduate kag residente sang Barangay Amaga, Sigma, Capiz. Narekober sa iya ang kabug-osan nga anum(6) ka sachet sang suspected shabu kabaylo sang 3, 100 pesos nga buybust money nga ginalakipan sang 100 pesos nga subscribed buy bust money kag 3,000 nga boodle money. Ginabanta nga nagabug-at sang lima(5) ka gramos sang iligal nga druga ukon may yara sang Standard Drug Price nga 34, 000 pesos ang narekober kay Arroyo. Suno sa impormasyon, nalista nga High Value Individual(HVI) kag membro sang Nepumoceno Drug Group ang amo nga persona. Ini man ang una nadakpan sa buy bust operation apang nahilway matapos nga nag-avail sang plea bargaining agreement. Natigayon ang amo nga operasyon paagi sa bulig sang ginhugpong nga pwersa sang Provincial Drug Enforcement Unit (PDEU) sang Capiz PPO sa pagpanguna ni PMAJ Francisco Paguia kag PMAJ Bryant Fallera; Station Drug Enforcement Team(SDET) sang Sigma MPS sa pagpamuno ni PLT Rey Jason Gimeno; Station Drug Enforcement Team(SDET) sang Mambusao MPS sa pagpamuno ni PMAJ Edwin Luces kapartner ang PDEA Capiz sa pagpanguna ni IA V Cornelio Espartero Jr. Subong yara na nakahunong sa karsel sang Sigma PNP ang amo nga persona kag natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
