Kampanya kontra remote cheating panawagan sa DepEd sa mga ginikanan

24

Davao City – Giawhag sa Department of Education (DepEd – XI) , ang mga ginikanan nga tabangan sila aron walay mahitabong pagpanikas o cheating sa pagtu-on sa mga estudyante ilawom sa distance learning.


Sumala ni DepEd XI spokesperson Jenielito Atillo, sa pagpaningkamot sa departamento nga mahan-ay ang tanan sa blended learning nanawagan kini sa mga ginikanan nga manguna sa paggiya sa ilang mga anak sa pagtudlo sa maayong pamatasan ug pagka-matinud-anon.

“Ang kampanya namo is to really request the parents to teach our children all the honesty efforts nga kinahanglan nilang mahibaw-an aron malikayan kining remote cheating nga amoang ginaingon,”

Matud ni Atillo, makawang lamang ang taas nga makuhang grado sa bag-ong sistema, tungod sa tinubdan nga dili tama o insakto.

Sumala ni Atillo, giwagtang sa pagkakaron ang periodical exams ug mas gitutukan, ang performance sa mga kabataan ilawom sa distance learning.

RadyoMaN Aimee Guinita

Facebook Comments