KAMPANYA KONTRA SA ILLEGAL NGA SUGAL SA WESTERN VISAYAS, GINAPABASKOG SANG PRO-6

9

Ginapabaskog karon sang Police Regional Office 6 ang kampanya batuk sa illegal nga sugal sa bilog nga Western Visayas.

Ini agud malikawan nga magamit sang mga politiko nga may koneksyon sa sindikato sang Illegal gambling ang pondo gikan sa illegal nga sugal.

Nahibaluan nga base sa data sang PRO-6, naglab-ot na sa 299 ka personalidad ang natigayon nga madakpan sang kapulisan subong nga tuig nga may kahilabtanan sa illegal nga sugal.

Ginpahayag ni PRO-6 Director Chief Supt. John Bulalacao nga may nabaton sila nga impormasyon nga may mga politiko nga involve sa illegal gambling kag ini ang ginapaidalum nila sa monitoring kag validation.

Ginhatagan pagtamod ni Bulalacao nga daku nga sablag sa palaabuton nga eleksyon kon mapabay-an ang mga politiko nga may kaangtanan sa illegal gambling.

Facebook Comments