Kampanya vs NPA, prayoridad sa bag-ong PNP Regional director

General Santos City—Gihagit kaniadto ni outgoing PNP-12 regional director Police Chief Supt. Cedrick Train ang bag-ong nadistinong PNP regional director 12 nga tutukan niini ang posibleng pag-atake og pagpanimalos sa mga teroristang New Peoples Army (NPA) sa pipila ka mga lugar sa Region 12.

Kahibaluan nga sa gihimong pamulong ni Train sa bag-ohay pa lamang nga natigayong turnover ceremony kaniadtong milabayng semana sa PNP Region 12 Tambler ngadto sa bag-ong labaw nga mipuli kabniya nga si Police Chief Supt. Marcelo Morales nga dili angayang kakompiyansahan ang mga lihok sa mga teroristang grupo tungod anaa lamang sila sa palibot og nangita lamang timing nga makapangataki.

Kahibaluan nga bag-ohay klamang usab natigayon ang panag engkwentro tali sa mga sundalo sa 27th IB, 33rd IB og 73rd IB batok sa mga teroristang NPA sa kabukirang bahin sa South Cotabato, Sultan Kudarat, Sarangani Province og Davao del sur kung asa sa Lake Sebu pito ka mga NPA og duha ka mga sundalo ang napatay samtang sa kabukirang bahin sa Alabel duha usab ka mga NPA ang napatay sa engkwentro.


Sa pagkakaron nagpatawag na og Command Conference ang bag-ong labaw sa PNP Region 12 ngadto sa tanang mga Provincial, og City Director aron hisgutan ang preparasyon sa posibling pagpangataki nga himuon sa mga kalaban sa gobyerno.

Pamatuod niini sa pagkakaron ang wala og tuo nga checkpoint sa pasulod sa South Cotabato, Koronadal City, Sarangani Province og General Santos isip pagpangandam usab sa taliabot nga anibersaryo sa mga teroristang NPA karong Disyembre 26, 2017.

Kahinumduman nga si Train ang bag-o ng Directorate for Integrated Police Operations-Western Mindanao nga nakabase gihapon dinhi sa General Santos region 12. (Emir Bariquit)

Facebook Comments