Gintawag sang kampo ni Mayor Jed Patrick Mabilog nga fake news ang ginpaguwa nga affidavit sang drug bag man nga si Ricky Sereño nga protector sang illegal drugs operation sa Bacolod ang alkalde.
Ginpahayag ni Atty. Mark Piad, spokesman ni Mayor Mabilog nga wala sang kamatuoran ang nassad sa affidavit ni Sereño kag makabig nga lango-lango kag bunga lamang sang mabagsik nga imahinasyon.
Gindugang pa ni Atty. Piad nga ginaseryoso nila ang nasambit nga akusasyon ni Sereño bangud may mga legal ini nga implikasyon.
Bangud sini, pursigido ang kampo sang alkalde nga magpasaka sang nagakaigo nga kaso batuk sa nasambit nga bag man sang Beria Drug Group sa Bacolod.
Madumduman nga magluwas kay Mabilog, ginlamita man ni Sereño sanday Senador Franklin Drilon Kag anay DILG Secretary Mar Roxas nga mga Drug Protector sa Negros Occidental.
Nahibaluan nga on official leave sa gihapon si Mayor Jed Patrick Mabilog.
