Kan-anan, bunk house ug balay nasunog

32

General Santos City—ugdaw ang usa ka establishemento, usa ka bunk house ug usa ka balay nga nahimutang sa Phela Grande Compound sa may Barangay West, Gensan alas 4:00 pasado ang takna kaganinang kaadlawon.

Sa inisyal nga imbistigasyon sa Bureau of Fire Protection nasuta nga apil nasunog ang usa ka kan-anan nga Kurdapoy’s, bunk house nga gipuy-an sa mga empleyado niini ingon ang usa ka balay.

Gikaingong gikan ang kalayo sa usa ka lawak sa usa ka trabahante sa maong kan-anan kansa maoy nilamoy sa mga gambalay sa lugar.

Wala na matabang sa mga bombero gumikan hilabihan na kadako ang kalayo dihang sila miabot. Paspas matud pa nga gikaon sa kalayo ang gambalay sa kan-anan hilabi na nga dakong parti niini ang gama sa light materials.

Sa karon padayon pang ginasuta sa mga personahe sa CDRRMC ang mga naapektuhan sa maong sunog, samtang ang Bureau of Fire Protection Gensan naghimo nag makuting imbistigasyon aron masayran ang hinungdan niini.

Facebook Comments