Kanhi army reservist arestado

54

Davao City – Tingkagol sa Sta. Ana PNP ang usa ka kanhi army reservist ug aktibo sa Military Intelligence Group (MIG) human nakuhaan og usa ka unit sa .45 kalibre pistola.

Base sa report gikan sa Presinto Uno, naila sa pangalan ang suspek nga si Napoleon Tan, 84 anyos, taga-Quiñonez Compound, Matina Crossing, ning siyudad sa Davao.


Sumala pa ang suspek mibisita sa opisina ni Senador Christopher Lawrence ‘Bong’ Go diha sa may Obrero ning dakbayan aron mangayo kini’g tabang sama sa materyales tungod kay ang iyang balay naapil nga nademolish.

Apan atol sa pag-inspeksiyon sa mga sakop sa Task Force Davao ngadto sa biktima, nakuhaan kini og armas hinungdan nga gi-aresto ug gi-endorso dayon sa Sta. Ana PNP.

Gipangitaan sa kapolisan og mga legal nga dukomento apan nakapresinta usab dayon ang suspek ug gibuhian alas-8:10 kagabie.

RadyoMaN Don Pulayao

Facebook Comments

From Advertisers