Davao City- Nasikop sa Sta. Ana PNP ang usa ka drug reformist human nakuhaan og shabu alas 10:30 sa buntag atol sa gilusad nga buy bust operation sa Ponce St., siyudad sa Davao.
Sa report gikan sa Sta. Ana PNP, naila ang suspek nga usa ka Felomino Rubio alyas Pot Pot, 36 anyos, ulitawo ug residente sa Purok 6, Brgy31-D ning dakbayan.
Sumala pa nga sa dihang gilusad ang buy bust operation, usa ka pulis ang nagtakuban nga poseur buyer gamit ang 500 pesos buybust money kambiyo sa usa ka sachet nga gituohag shabu diin lakip nakumpiska ang drug paraphernalias.
Nasayran nga ang dinakpan nasikop na kaniadtong tuig 2006 nga adunay kasong kalapasan sa RA 9165 kun Comprehensive Dangerous Drugs Act of 2002 ug nakagawas niadtong tuig 2016 gikan sa Maa City Jail ning dakbayan.
Sa karon, balhug na ang suspek sa Sta. Ana PNP ug giandam na sa mga pulis ang kasong kalapasan sa RA 9165 batok sa dinakpan.
RadyoMaN Don Pulayao
