Kanhing Chancellor sa MSU Gensan nga si Professor Bajunaid nakadayig sa programa sa Sarangani Province

10

Sarangani Province–Personal nga nakadayig ang kanhing chancellor sa Mindanao State University kon MSU Gensan nga si Professor Moner Bajunaid ngadto sa pamunuan ni Governor Steve Chiongbian Solon tungod sa mga maayong programa nga gipatuman hilabi na ang alang sa tibuok Moro community sa Sarangani Province.

Unang higayon nyang nadunggan matud pa nga ang non-Muslim pinaagi ni Governor Solon ang nagsinggit sa publiko sa pulong nga “Takbir,” Arabic nga pinulungan nagpasabot nga “God is the greatest.”


Gidayig niini ang programa nga “Tarbiyyah” nga ginasundog na karon sa ubang mga lugar. “Tarbiyyah” sa Arabic nagpasabot nga pag-nurture kon pagmatuto aron mahimong matarong. Pinaagi sa mga ustadz og mga modier nga nagsilbing facilitator og magtutudlo sa mga Madrasah o Madaris Arabic school kauban ang mga Islamic scholars/Ulama, ginasuyod ang mga munisipyo og kabarangayan sa Sarangani Province aron ipakaylap sa makausa pa ang sakto nga interpretasyon sa mga pulong nga anaa sa Qur’an, mabatukan ang Violent Extremism nga maoy nagpakutaw sa terorismo.

Bisan sila Sheik/Ustadz Muammar Adam, taga-Maynila, og Sheik/Ustadz Abdulfatah Delna, taga-Datu Paglas, Maguindanao, ang nakadayig sa Sulong Kapayapaan program. Antigo matud pa ang gobernador nga mag-Arabic hilabi na ang pagkuha sa mga pulong sa Qur’an mapasabot lang sa katawhan nga kitang tanan ang managsuon ra sa mata sa Ginoo.

Facebook Comments

From Advertisers