Kanhing City Councilor sa Gensan nga karon kasamtangang Barangay Kagawad gikustodiya sa Tboli PNP

25

General Santos City–Nagpabiling anaa sa kustodiya sa T’boli Municipal Police Station si Barangay Sinawal Kagawad Minda Atendido, kanhing City Councilor ning dakbayan uban ang lain pang 75 ka mga ka tawo human sa nahitabong kagubot sa gi-ilugang yuta sa sitio Pagang Blel, Basag T’boli, South Cotabato.


Nasayran nga usa ang samdan sa maong insidente kung asa napulisan ang usa ka 20 anyos nga nanimuyo sa maong lugar.

Sumala pa ni Police Major Herzon Parangan ang hepe sa T’boli MPS nga nakadawat matud pa sila ug report nga adunay kagubot sa maong lugar hinungdan nga gilayung girespondihan.

Gikumpirma ni Parangan nga narecover nila sa maong lugar ang lima ka mga pusil, mga hait nga hinagiban ug mga bala sa pana nga dala matud pa sa sobra gatusan ka mga tawong gi-hire matud pa ni Barangay Kagawad Minda Atendido aron nga mag demolish sa mga panimalay sa maong lugar.

Samtang giandam naman usab sa kapulisan ang tukmang kaso sa mga nakuhaan ug armas ingon man kay Barangay Kagawad Atendido nga gikaingong maoy nagsugo sa mga nasangpit.(CDS)

Facebook Comments