Kanhing Kapitan sa Barangay Rubber, Polomolok –patay human misukol sa kapulisan

25

Polomolok, South Cotabato— Patay ang kanhing Barangay Kapitan sa Polomolok South Cotabato human kining misukol sa mga otoridad, atoll sa gipahigayon nga operasyon sa kapulisan sa Munisipyo.

Gihingusgan ni Police Captain Rommel Hitalia Deputy Station Commander sa Polomolok MPS nga misukol gayud sa otoridad ang ilahang target suspek nga kanhing kapitan sa Brgy. Rubber, Polomolok, South Cotabato nga si Diosdado Cruz atol sa operasyon hinungdan kini napusilan nga miresulta sa iyang kamatayon.


Pagbutyag ni Hitalia nga alas 5 :00 sa hapon sa dihang gipahigayonan ug buy-bust operation ang kanhing Kapitan sa nasangpit nga lugar, diin napalitan kini ug droga apan dihang nakamatikod kini nga pulis ang iyang katransaksyon kalit matud pa kining mibunot sa iyang .38 nga pusil rason nga nahitabo ang shoot out.

Gidala pa sa balay tambalanan ang suspek sa pamasin nga masalbar pa ang kinabuhi apan gideklarang dead on arrival sa attending physician tungod sa naangkong igo pinusilan sa iyang lawas. Nakuha sa otoridad gikan sa suspek ang buy-bust items nga gituohang shabu ug ang armas niini.

Dugang sa opisyal nga dugay na nilang ginamonitor ang kanhing Kapitan sa illegal niining gimbuhaton ug gipaklaro niini nga wala pa silay kasayuran kung nahilambigit ang suspek sa uban pang illegal nga gimbuhaton. Samtang sa kabahin man usab ni Brgy.Rubber Kapitan Louie Orea nga sa iyang pagkaila sa kanhing Kapitan maayo matud pa kining tawo apan wala na kini nasayod sa uban pang gimbuhaton niini. Gibutyag niini nga sa iyang nahinumduman nga sa miaging tuig una ng nadakpan si Cruz human gi-raid sa mga otoridad ang panimalay niini.(RV)

Facebook Comments