KANHING MISURENDER TUNGOD SA DROGA GIPASAKAAN NA OG KASO HUMAN MADAKPAN SA BUYBUST OPERATION

[image: IFM 919 Logo (1).jpg]
Napasang-atan na sad og kaso pagsupak sa Section 5 ug 11 sa RA 9165 o Comprehensive Dangerous Drugs Act ang suspek nga nadakpan sa buybust operation sa Lagao Police Station 3 niaging adlaw.

Ang suspek na kanhing drug surrenderee giila nga si Isagani Indab, 35 anyos laborer nga residente sa Pioneer Village, Brgy. Lagao ning dakbayan.

Matod sa Chief of Police sa Lagao PNP nga si Chief Inspector Peter Pinalagan Jr. nakuha gikan sa posesyon sa suspetsado ang usa ka sachet sa gituuhang shabu ug marked money kantidad 500 ka pesos.


Dugang pamahayag ni PCI Pinalgan nga wala sa ilahang watchlist o target list ang nahsigautan.

Apan gumikan kanhi kining misurender ilahang gimonitor ang mga lihok niini ug nasayran nga mibalik sa pagpamaligya ug illegal nga droga rason nga gipahigayunan ug operasyon.

Facebook Comments