Kanhing nitahan sa TOKHANG nasakpan nga nibalik sa bisyo

25

Pagadian City – Nadakpan kapulisan ang 31-anyos nga lalaki nga kanhi nang nitahan sa Oplan Toktok Hangyo (TOKHANG) dihang nasuta nga nibalik kini pagpamaligya sa illegal nga drogang shabu.
Ang tropas a Station Drug Enforcement Team sa Pagadian City Police Station maoy nikasa sa buy bust operation dihang dapita sa Purok Patag, Brgy. Dao niining syudad.
Wala na makaipsot sa kamot sa otoridad ang target nga si Bryan Salvador, usa ka driver sa pampasaherong single motor, ug kanhing driver sa sand and gravel ug residente sa Purok Bahada, Barangay Dao ning dakbayan.
Nasuta sa record sa suspetsado nga usa kini ka drug surrenderee apan nibalik kini sa kanhing illegal nga transakyson pinaagi sa pagpayuhot sa shabu nga gikan matud pa sa Lanao Del Norte.
Atol sa operasyon nakumpiska gikan sa dinakpan ang upat ka pakite sa shabu, usa ka unit sa keypad nga cellphone ug usa ka kenentos pesos nga buy-bust money.
Ang dinakpan gikustodiya na sa kapulisan og gikatakda nga mag-atubang sa kasong paglapas sa Akta Republika 9165 kon Comprehensive Dangerous Drug Act of 2002.

Facebook Comments