GENERAL SANTOS CITY- Hugtanong gihimakak sa lalaking kanhing preso nga nadakpan sa pag-implementa sa search warrant nga iyaha kadtong mga kontrabadong iligal nga droga nga nakumpiska sa mga pulis nga nagpahigayon sa operasyon.
Giila ang suspek nga si Fitz Francis Anuada, 37 anyos nga kanhing preso sa South Cotabato Rehabilitation and Detention Center nga bag-ong laya niadtong Disyembre 2018 tungod sa kasong iligal nga droga.
Gihimakak sa suspek nga iyaha kadtong upat ka mga iligal nga droga nakuha sa cabinet sa kwarto.
Wala usab mihatag og komento ang tag-iya sa panimalay nga ig-agaw sa suspek kabahin sa nahimong operasyon nga nagresulta sa pagkakumpiska sa iligal nga droga.
Kahibaw-an nga mga sakop sa Regional Police Drug Enforcement Unit 12 ang nag-raid sa panimalay sa ig-agaw nga gipuy-an sa suspek sa Blk 7, Lot 38 VSM Height Phase 1 Purok Masagana Brgy. San Isidro.
Subling gibalhog sa selda ang suspek tungod sa maong operasyon.
For more info’s and updates, like and share our official facebook account : www.facebook.com/ifm91.9Gensanofficial/
[image: kanhing piniriso.jpg]
