General Santos City–Nagtingkagol karon sa Police Station 3 ang kanhing piniriso nga si Leonardo Jesus Ilumba Jr. 32 anyos, nga nanimuyo sa Zone 4, Baragay Lagao ning syudad human nga nasikop sa gipahigayon nga buybust operation sa Police Station 3, alas 10:40 ang takna sa gabie sa balotan sa Barangay Lagao.
Sumala pa ni PCI Pinalgan nga kanhi nang nadakpan sa pagpagpamiligya gihapon ug iligal nga droga ang nasangpit nga suspect apan nakapyansa lang kini hinungdan nga nakagawas apan na monitor sa kapulisan nga padayon sa iligal nga binuhatan hinungdan nga gioperasyonan.
Napalitan matud pa ang suspect ug usa ka sachet sa gikatahapang shabu samtang nakuha usab sa iyang possession ang 500 pesos nga mark money.
Takdang mag atubang ug kasong pagsupak sa RA 9165 kon paglambigit sa pagpamaligya ug iligal nga droga ang nasangpit nga suspect.(Dave Silagan)
