Kanhing tigpamaba sa NPA- mapasalamaton sa proteksyon sa gobyerno kaniya

General Santos City— Mapasalamaton ang kanhing taas nga opisyal sa New People’s Army kon NPA nga si Ka- Efren, tungod sa padayong suporta sa gobyerno kaniya ug sa uban pang mga kanhing NPA nga misurender na sa sabakan sa gobyerno.

Usa sa gipasalamatan niini mao ang padayong proteksyon nga gihatag kanila sa gobyerno. Si Ka Efren taas nga panahon nga nagsilbing tigpamaba sa New People’s Army particular na sa Far South Mindanao Region.

Pag-angkon niini nga gi-planuhan na siyang patyon sa iyahang mga kanhing kaubanan partikular na ang National Command sa New People’s Army.
Pamahayag niya nga ang pagpagawas nila ug impormasyon batok sa NPA ang makonsiderang pag-traydor ug adunay silot nga kamatayon subay sa balaud sa kalihukan.


Saysay niya nga nahadlok usab siya para sa iyahang kinabuhi hilabi na nga migawas na kini sa publiko aron ibutyag ang iyahang mga nahibaluan kabahin sa kalihukan. Tuig 2018 pa sa dihang misurender si Ka- Efren sa sabakan sa gobyerno. (LVR)

(Photo is for Illustration only)

Facebook Comments