Kapin 13 milyones ka pesos nga ayuda-pinansiyal, nadawat sa mga mitahan nga kanhi miyembro sa NPA

52
Mukabat sa kinatibuk-ang 13.8 milyones ka pesos ang ayuda-pinansiyal nga nadawat sa mga mitahan nga kanhi miyembro sa New People’s Army (NPA) atol sa pagpresenta kanila sa kagamhanang probinsyal sa Bukidnon ug sa Department of Interior and Local Government (DILG).

Muabot sa 251 ka mga kanhi rebelde ang girepresenta diin gisaaran sa gobyerno nga makabalik sa malinawong pamuyo uban ilang tagsa-tagsa ka mga pamilya.

Sumala ni DILG-10 Regional Director Arnel M. Agabe, nalipay siya nga nakita ang mga kanhi rebelde nga nibalik sa sabakan sa gobyerno ug giahat usab niya ang mga nahibiling miyembro nga mutahan na usab.

Upat ka mga kalibre sa armas usab ang naturn-over sa programang Enhanced Comprehensive Local Intergration Program (ECLIP) Committee alang sa cost evaluation.

Sa pikas nga bahin, mibuhi usab og pamahayag si Bukidnon Governor Oneil Roque diin gipasalamatan dili lang ang mga kanhi rebelde apan lakip na ang buhatan sa DILG-Region X.

Facebook Comments