Mipirma na sa petisyon ang mga residente sa Sitio Biasong, Tambo, Macasandig ning syudad aron ilang pangayoon kang Mayor Oscar Moreno nga ipapahawa na gikan sa ilang Sitio ang kapin 150 ka mga bakwit nga gikan sa Lagonglong, Misamis Oriental.
Matud ni Kagawad Amor Sanchez nga OIC Barangay Chairman sa Macasandig nga nadawat na ni Mayor Oscar Moreno ang maong petisyon.
Gibutyag ni Sanchez nga ila usab nga nadawat sa barangay ang maong petisyon nga nanawagan nga ipapauli sa Sitio Mincamansi, Barangay Banglay ang maong mga bakwit.
Gipasabot ni Sanchez nga ang mga residente sa Sitio Biasong nabalaka na sa ilang seguridad tungod kay ang maong mga bakwit gidudahan nga sakop ug mga supporters sa mga rebildeng New Peoples Army.
Facebook Comments
