Kapin 16,000 ka pamilya sa Third District naapektuhan sang baha sa pagsug-alaw sang Bag-ong tuig

24

Nagdangat sa kapin 16,000 ka mga pamilya sa Third District sang Negros Occidental ang naapektuhan sang baha sa pagsug-alaw sang 2021.

Suno sa datos sang Provincial Disaster Management Program Division as of January 3, 76 ka mga balay ang naguba, 539 ang damaged sa mga syudad sang Victorias, Talisay, Silay kag banwa sang EB Magalona.


Sa Victorias City, suno kay Mayor Francis Palanca, isa ang nasapwan nga patay sa baybayon sang Barangay 6-A sang New Year. Nagdangat naman sa kapin P480,000 ang kahalitan sa livestock kag pananom sa amo nga syudad.

Sa Talisay City, suno kay Mayor Neil Lizares, 4,023 ka mga pamilya ang naapektuhan kag 350 sa mga ini ang gin-evacuate.

Sa syudad sang Silay, 19 naman ka mga balay ang naguba samtang 193 ang damaged kag naglab-ot man sa 1,849 ka mga pamilya ang naapektuhan sang baha suno kay Mayor Mark Golez.

Samtang sa banwa sang EB Magalona, 1,085 ka pamilya ang naapektuhan.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments