Kapin 1k ka mga PUM sa South Cotabato nahuman na sa 14 ka adlaw nga Home quarantine

13

South Cotabato–Mukabat na sa 1,145 ka personahe sa South Cotabato nga napailawom sa PUM kon Persons Under Monitoring ang migraduate na human ang katorse ka adlaw nga home quarantine. Kini gibutyag ni South Cotabato provincial health officer Dr. Rogelio Aturdido.

Sumala ni Aturdido aduna pay 1,355 ka mga PUM ang takda na usab mugraduate sa umaabot nga adlawng Sabado hangtud sa Lunes.


Sagad sa mga nahisgutan mao ang mga gikan sa kaulohang Manila og dayong gisala atul sa ilang paghidangat sa airport.

Samtang mukabat na usab sa 31 ka mga tawo ang ilawom karon persons under investigation kun PUI sa South Cotabato.

Sumala ni Dr. Aturdido nga sa 31 ka mga PUI pito kanila ang mga naadmit samtang tulo na ang natalang patay.

Ulahi matud pang namatay ang 76 anyos nga babaye nga matud pa nga nakasinati og acute respiratory distress.

Samtang bisan pa man nga duna nay nagpositibo sa covid-19 sa probinsya sa Sultan Kudarat nga sikbit lang nga lugar sa South Cotabato, mipasalig si Dr. Rogelio Aturdido nga mas pakusgan og pahugtan pa ang pagbantay sa mga boundary pasulod og pagawas sa probinsya.




Kini aron nga sigurohong wala nay makasulod nga taga laing lugar ilabi na ang gikan sa Sultan Kudarat.

Kalabot niini ginapaningkamutan usab nila nga ma-trace og makontak ang kinsa man nga mga na-expose sa namatay nga biktima sa tacurong City nga posibleng nakasulod na sa ilang probinsya.(Jordan Britos)
(CTTO)

Facebook Comments