Davao City – Arestado sa San Pedro PNP ang usa ka drug pusher human napalitan og shabu nga mukantidad og kapin P20,000 mil human gikasa ang buy bust operation didto sa Aries St. Brgy 25-D siyudad sa Davao.
Sa report gikan sa San Pedro PNP, dinakpan mao si Stephen Escalante, 34 anyos nagpuyo sa nahisgutang lugar.
Nakuha sa suspek ang buy bust money nga mukantidad og 1,500.00 pesos, unom ka sachet sa shabu nga mokantidad og 12,000.00 pesos ug laing usa ka medium size sachet nga gidiling droga nga mukantidad og 10,000 mil lakip, usa ka improvised glass tooter ug usa ka cellphone nga maoy gigamit sa iligal nga transaksiyon.
Ang dinakpan nga si Escalante balhug na sa selda sa presinto dos ug gihikay na sa kapolisan ang kasong pagsupak sa Akta Republika 9165 Comprehensive Dangerous Drugs Act Of 2002.
Sa datus nga gipagawas sa San Pedro PNP karong bulana tulo na ka drug pusher ang nadakpan ug tulo usab ka buy bust operation ang gilusad sa kapolisan.
RadyoMan Don Pulayao
