*General Santos City— Padayon ang ginahimong clearing operation sa militar sulod sa Salbo-Pagatin-Mamasapano- Shariff Aguak kon SPMS box, Maguindanao human ang natigayong operasyon batok sa teroristang Bangsamoro Islamic Freedom Fighters kon BIFF.*
*Sumala kang Major General Cirilito Sobejana, Commanding Officer sa 6th Infantry Division nga gawas sa mga parte sa lawas nga ilahang narekber, duha ka mga patay’ng lawas ang ilahang nakuha sa lugar.*
*Usa niini ang foreign national nga gituuhang gikan sa middle east ug aduna na silay gihuptan nga pangalan apan ilaha pa kining gina-beripika ug gina-kumpirma.*
*Dugang pamahayag ni MGen. Sobejana nga gibana-banaang anaa sa kapin 20 nga miyembro sa paksyon ni Kumander Bungos ug Abo Toraye ang namatay gumikan sa ilahang focus military operation nga gihimo karong semanaha.*
*Gawas sa mga nangamatay gilauman usab nila ang ubay-ubay nga mga samdan gumikan sa mga likidong ilahang nakita sa lugar.*
*Lakip usab sa mga narekober mao ang mga medikal kits ug uban pa kung asa paniguro niya nga dili sila muundang hangtud nga dili mahurot ang maong grupo.*
*Kalabot niini gibutyag ni mgen. Sobejana nga dako ang mamahimong epekto ngadto sa teroristang grupo ang maong operasyon sa military gumikan ubay-ubay ang mga nangamatayug samdan sa ilahang gurpo.*
*Samtang tungod matud pa sa maong operasyon naa sa libuan nga pamilya ang nanghikling ug kasamtanagng anaa sa managlahing evacuation center.*
*Sa karon matud pa gumikan sa ubay-ubay ug sunod-sunod nga operasyon sa militar, nakunhuran na ang aktibdad sa teroristang grupo.*
