Gitunol na sa dxCC-RMN Cagayan de Oro kagabie ang kapin sa 30 mil pesos nga hinabang gikan sa mga tigpaminaw alang sa pamilyang Cerillo nga namatyan og upat ka anak sa nahitabong sunog niadtong Sabado sa kadlawon. Ang maong kantidad gitunol sa pagpanguna ni Top Radio Commentator RadyoMaN Zaldy Ocon, anchor sa programang Straight to the Point nga mabati matag alas sais sa buntag hangtud alas nuebe, Lunes hangtud Sabado. Si Radyoman Zaldy usab ang nangulo sa gihimong operation tabang nga gisugdan niadtong adlawang Sabado. Karong adlawa usab nakatakdang ilubong sa sementeryo sa Bolonsiri ang upat ka anak sa pamilyang Cerillo nga namatay atol sa sunog. Lakip sa mga biktima silang Louie Cerillo, 10 anyos, Michelle Cerillo, 13 anyos, Mary Grace Cerillo, 12 anyos, ug Mark Kenneth Cerillo, 21 anyos. -o0o- PC: RadyoMaN Anne Jane Duhaylungsod
