Kapin 300 ka mga estudyante apektado sa Baguio District fire

26

Davao City – Grabeng kaguol ang gibati karon sa mga magtutudlo sa Baguio Central Elementary School human nga naugdaw ang unom ka mga classrooms bandang alas 2:36 sa hapon adlawng Sabado.

Sa interbyu sa DXDC 621 Rmn Davao kang Estrella Villanueva ang prinsipal sa nasangpit nga tunghaan naabo pati mga rekords lakip na mga grado sa ilang mga estudyante.

“Karong abli sa klase mangita nalang mi’g pamaagi ani it’s either mag-shifting nalang og classes or sa gym,” sumala ni Villanueva.

Namoblema si Villanueva tungod kay kapin 300 ka mga estudyante sa Grades 4, 5 ug 6 ang nawad-an og classrooms human sa nahitabong sunog.

Gituohang nagsugod ang kalayo sa klasrum sa Grade 4 teacher nga si Shiela Virtucio.

Segun ni Fire Investigator FO3 JOEL Mamburang sa Calinan Fire Department electrical short circuit ang natudlong rason sa sunog.

Gideklarang fire-out sa mga kabomberohan ang sunog alas 3:29 sa hapon.

Mokabat sa P100,000 ang damyos sa naugdaw nga 48 anyos na nga istruktura.

RadyoMaN Aimee Guinita

Facebook Comments